Niyə məhz vitamin D ? Və niyə Noyabr ayı?

“Kanada Vitamin D Cəmiyyəti”, D vitamini çatışmazlığına diqqəti cəlb etmək üçün 2007-ci ildə Noyabr ayını “Vitamin D Maarifləndirmə” ayı elan etmiş, icraçı direktor Perry Holman, 2 Noyabrda “Vitamin D Günü”-nü tanıyaraq, tərəfdaş təşkilatlarla birlikdə bu günü dünyanın digər təşkilatları ilə paylaşmışdır.

Daha sonra “Inspire Health” 2009-cu ildə Kanadada 2 Noyabr tarixində “Vitamin D Günü”-nü təsis etdi. “Vitamin D Günü”-ün təşviqinə “Inspire Health” dən sonra  San Dieqo ABŞ, Böyük Britaniya Sağlamlıq Araşdırmaları Forumu da qoşularaq 2 noyabrı “Vitamin D Günü” kimi təsdiq etdilər.

Noyabr ayı Şimal Yarımkürəsində "Vitamin D Qışı" başlanğıcı hesab olunur. İrəlidəki dörd-beş aylıq dövrdə insanlarda vitamin D-nin çatışmazlığı riski yüksək olur. Məhz bu aylarda günəş şüaları vitamin D-nin dəridə yaranması üçün əhəmiyyətini itirir, bu səbəblə də “Vitamin D Günü  Noyabr ayına təsadüf edir.

2 Noyabr Remedi Group-un və Əczaçılar Klubu İctimai Birliyi-nin dəstəyi ilə Ümumdünya Vitamin D Gününə həsr olunan tədbir təşkil olunmuşdur. Əməyi keçən hər kəsə minnətdarlıq edirik!