DepoDay 50.000 BV N8 soft kapsullar.

Baş səhifə / Məhsullar / DepoDay 50.000 BV N8 soft kapsullar.

DepoDay 50.000 BV N8 soft kapsullar.

Tərkibi

Təsiredici maddə: 1 kapsulda 50.000 BV (1 250 mkq D 3 vitamininə ekvivalent) xolekalsiferol vardır.

İstifadə qaydası və dozalanması

Pozologiya/tezliyi və müalicə müddəti Hər yumşaq kapsulda 50.000 BV xolekalsiferol (vitamin D 3 ) vardır. Dərmanın istifadə qaydası həkim tərəfindən təyin edilməlidir. Həkimin tövsiyəsi ilə istifadə edilməlidir. Hamiləlik dövründə D vitamini preparatlarının müntəzəm istifadəsi tövsiyə edilməsə də, zəruri hallarda həkim nəzarəti altında istifadə edilməlidir. Hamiləlik dövründə profilaktika məqsədi ilə D vitamini preparatlarının istifadəsi zamanı maksimum doza gündə 1000 BV-dən çox olmamalıdır. Boğulma riskinə görə bu dərmanı 12 yaşdan kiçik uşaqlara vermək olmaz. İstifadə qaydası Depodey daxilə qəbul edilməlidir. Kapsullar bütöv halda, bir miqdar su ilə, yemək zamanı qəbul edilməlidir. Xəstələrə bu dərmanı əsas yeməklə birlikdə qəbul etmələri tövsiyə edilməlidir. Xüsusi xəstə qruplarına dair əlavə məlumat Böyrək çatışmazlığı Depodey ağır böyrək çatışmazlığı olan xəstələrdə istifadə edilməməlidir. Qaraciyər çatışmazlığı Məlumat yoxdur. Pediatriyada Depodey 12 yaşdan kiçik uşaqlarda kapsulları uda bilməmə və/və ya boğulma riskinə görə istifadə edilməməlidir. Yaşlılarda Böyüklərdə olduğu kimi qəbul edilməlir.

Əks göstərişlər və əlavə təsirlər

Xolekalsiferola və ya köməkçi maddələrdən hər hansı birinə qarşı yüksək həssaslığı olan xəstələrdə; - Hiperkalsiemiya və/və ya hiperkalsiuriyası olan xəstələrdə; - Nefrolitiaz (böyrək daşları), nefrokalsinoz (böyrəklərdə yüksək miqdarda kalsium) və ya tərkibində kalsium olan böyrək daşları (böyrək daşları) əmələ gəlmə meylliliyi olan xəstələrdə; - Ağır böyrək çatışmazlığı olan xəstələrdə - D hipervitaminozu zamanı əks göstərişdir. - Depodey kapsul udmaq mümkün olmadığı və/və ya boğulma riski səbəbindən 12 yaşdan kiçik uşaqlarda istifadə edilməməlidir.

Buraxılış forması

8 kapsul Opaq PVC/Aclar və Al folqadan ibarət blisterdə. 1 blister içlik vərəqə ilə birlikdə karton qutuya qablaşdırılır.

Saxlanma şəraiti

25℃-dən yuxarı olmayan otaq temperaturunda və orijinal qablaşdırmasında saxlamaq lazımdır.

Yararlıq müddəti

2 il. Yararlılıq müddəti bitdikdən sonra istifadə etmək olmaz.

Təsviri

25℃-dən yuxarı olmayan otaq temperaturunda və orijinal qablaşdırmasında saxlamaq lazımdır.

Farmakoterapevtik qrupu

Vitamin D və analoqları. Xolekalsiferol.

ATC kodu

A11CC05.

Digər dərman vasitələri ilə qarşılıqlı təsiri

Antikonvulsantların (məsələn, fenitoin) və ya barbituratların (və qaraciyər fermentlərini induksiya edən digər dərmanların) eyni vaxtda istifadəsi metabolik inaktivasiya yolu ilə Vitamin D3-ün təsirini azalda bilər. Kalsiumun sidiklə xaric olmasını zəiflədən tiazid diuretikləri ilə müalicə zamanı plazmada kalsium konsentrasiyasının monitorinqi tövsiyə olunur, çünki hiperkalsiemiya riski arta bilər. Qlükokortikosteroidlərin eyni vaxtda istifadəsi D 3 vitamininin təsirini azalda bilər. Tərkibində üskükotu və digər ürək qlikozidləri olan preparatlarla müalicə zamanı vitamin D 3 qəbulu qlikozid toksiklik (aritmiya) riskini artıra bilər. Plazmada kalsiumun konsentrasiyasına zəruri hallarda EKQ monitorinqlə birlikdə ciddi klinik nəzarət lazımdır. Xolestiramin, kolestipol hidroxlorid, orlistat kimi işlədicilərlə, məsələn, ion dəyişdirici qatran və ya parafin yağı ilə eyni vaxtda müalicə D vitamininin mədə-bağırsaqdan sorulmasını azalda bilər. Sitotoksik təsirə malik aktinomisin və antifunqal təsirə malik imidazol törəmələri böyrək fermentinə, 25-hidroksivitamin D-1-hidroksilaza tərəfindən 25-hidroksivitamin D-nin 1,25- dihidroksivitamin D-yə çevrilməsini inhibə etməklə vitamin D aktivliyinə maneə törədir. Rifampisin qaraciyər fermentlərini induksiya etdiyinə görə xolekalsiferolun effektivliyini azalda bilər. İzoniazid xolekalsiferolun metabolik aktivləşməsinin inhibə edilməsinə görə xolekalsiferolun effektivliyini azalda bilər. Xüsusi xəstə qruplarına dair əlavə məlumat Məlumat yoxdur. Pediatriyada Məlumat yoxdur.

Hamiləlik və laktasiya dövründə istifadəsi

Hamiləlik və laktasiya dövründə yüksək dozada istifadəsi tövsiyə edilmir, buna görə də preparatların daha aşağı dozaları istifadə edilməlidir. Ümumi tövsiyə Hamiləlik kateqoriyası: C. Uşaq doğma potensialı olan qadınlar / Kontrasepsiya Kontrasepsiya haqqında məlumatlar mövcud deyil. Hamiləlik Hamilə qadınlarda xolekalsiferolun istifadəsi ilə bağlı heç bir məlumat yoxdur və ya məhduddur. Heyvanlar üzərində aparılan tədqiqatlar reproduktiv toksiklik göstərmişdir. İnsanlar üçün potensial risk məlum deyil. Hamiləlik dövründə uzun müddətli həddindən artıq dozadan çəkinmək lazımdır, çünki nəticədə uzun müddət davam edən hiperkalsiemiya uşaqda fiziki və əqli geriliyə, supravalvular aorta stenozuna və retinopatiyaya səbəb ola bilər. Hamiləlik dövründə D vitamini olan dərmanların müntəzəm istifadəsi tövsiyə edilmir. Bununla belə, zəruri hallarda həkim nəzarəti altında istifadə edilməlidir. Hamiləlik dövründə profilaktika üçün D vitamini preparatlarından istifadə edərkən maksimum doza gündə 1000 BV-dən çox olmamalıdır. Hamiləlik dövründə qadınlar həkimlərinin tövsiyələrinə əməl etməlidirlər. Çünki onların D 3 vitamininə tələbatı xəstəliyinin şiddətindən və müalicəyə reaksiyasından asılı olaraq dəyişə bilər. Hamilə qadınlarda yüksək dozada D vitamini müalicə üçün tövsiyə edilmir. Laktasiya Vitamin D 3 və onun metabolitləri ana südü ilə xaric olur. Lazım gələrsə, xəstəyə laktasiya dövründə D vitamini təyin edilə bilər. Bu yenidoğulmuşda vitamin D qəbulunu əvəz etmir. Süd verən analar tərəfindən induksiya edilən körpələrdə doza həddinin aşılması halları müşahidə edilməmişdir; Bununla belə, ana südü ilə qidalanan uşağa D vitamini təyin edərkən, həkim anaya verilən hər hansı D vitamini preparatının dozasını nəzərə almalıdır. Laktasiya dövründə yüksək güclü dozalar tövsiyə edilmir. Bundan əlavə, D vitamininin farmakoloji dozalarını qəbul edən süd verən anaların körpələrində hiperkalsiemiya riski var. Reproduktivlik/Fertillik Vitamin D 3 ilə müalicə və onun fertilliyə təsiri ilə bağlı məlumat yoxdur. Bununla belə, D vitamininin normal endogen səviyyələrinin fertilliyə hər hansı mənfi təsir göstərməsi gözlənilmir.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Depodey-in nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri barədə məlumat yoxdur, bu qabiliyyətə təsir etməsi mümkün deyil.

Doza həddinin aşılması

Simptomları Erqokalsiferol (vitamin D 2 ) və xolekalsiferol (vitamin D 3 ) yalnız nisbətən dar terapevtik indeksə malikdir. Normal paratiroid vəzi funksiyası olan böyüklərdə vitamin D intoksikasiyasının həddi 1-2 ay ərzində gündə 40.000-100.000 BV təşkil edir. Körpələr və kiçik yaşlı uşaqlar daha aşağı konsentrasiyalara reaksiya verə bilərlər. Buna görə də D vitamini həmişə həkim nəzarəti altında qəbul edilməlidir. Doza həddinin aşılması plazmada və sidikdə fosfor səviyyəsinin artmasına, həmçinin hiperkalsiemik sindroma və toxumalarda və damarlarda kalsiumun çökməsinə, ilk növbədə, böyrək daşı xəstəliyinə, nefrokalsinoza səbəb olur. Kalsiemiya 10,6 mq/dl (2,65 mmol/l) və ya böyüklərdə kalsiuriya 300 mq/24 saat və ya uşaqlarda 4-6 mq/kq/gündən çox olduqda Depodey istifadəsi dayandırılmalıdır. Xroniki həddindən artıq dozanın qəbulu hiperkalsemiya nəticəsində damarların və orqanların kalsifikasiyasına səbəb ola bilər. D vitamini intoksikasiyasının simptomları bir qədər xarakterikdir və əvvəlcə ürəkbulanma, qusma, ishal, sonra qəbizlik, iştahsızlıq, yorğunluq, başağrı, mialgiya, oynaq ağrısı, əzələ zəifliyi, davamlı yuxusuzluq, azotemiya, polidipsiya və poliuriya və nəticədə dehidratasiya kimi özünü göstərir. Tipik biokimyəvi analizlər hiperkalsiemiya, hiperkalsiuriya və plazmada 25-hidroksi- xolekalsiferol konsentrasiyasının artması daxildir. Müalicəsi D vitamininin xroniki həddindən artıq dozasının simptomlarına diurez, həmçinin qlükokortikosteroidlərin və ya kalsitoninin istifadəsini tələb edə bilər. Doza həddinin aşılması tez-tez davam edən və müəyyən hallarda həyat üçün təhlükə yaradan hiperkalsiemiyanın müalicəsi üçün tədbirlər tələb edir. İlk tədbir vitamin D preparatının qəbulunu dayandırmaq və rehidratasiyaya başlamaqdır; beləliklə, vitamin D intoksikasiyası nəticəsində yaranan hiperkalsiemiyanı normallaşdırmaq üçün bir neçə həftə lazımdır. Hiperkalsiemiyanın dərəcəsindən asılı olaraq tədbirlərə kalsiumu az və ya kalsiumsuz pəhriz, bol maye qəbulu, furosemid preparatı vasitəsi ilə sidik ifrazının artırılması, həmçinin qlükokortikosteroidlərin və kalsitoninin qəbulu daxildir. Böyrək funksiyası adekvat olarsa, furosemidin əlavə edilməsi ilə izotonik natrium xlorid (24 saat ərzində 3-6 litr) məhlulunun infuziyaları və bəzi hallarda 15 mq/kq bədən çəkisi/saat natrium edetatın davamlı kalsium və EKQ monitorinqi ilə müşayiət olunmaqla kalsium səviyyəsini etibarlı şəkildə azaltmaq olar. Oliqoanuriyada, əksinə, hemodializ (kalsiumsuz dializat) lazımdır. D vitamini intoksikasiyası üçün xüsusi antidot yoxdur.

Aptekdən buraxılma şərti

Resept əsasında buraxılır.

Xüsusi göstərişlər və ehtiyat tədbirləri

Yüngül və ya orta dərəcədə böyrək çatışmazlığı olan xəstələrdə Depodey ehtiyatla istifadə edilməli və kalsium və fosfat səviyyələrinə nəzarət edilməlidir. Yumşaq toxumaların kalsifikasiyası riski nəzərə alınmalıdır. Ağır böyrək çatışmazlığı olan xəstələrdə xolekalsiferol şəklində olan D vitamini normal olaraq metabolizmə uğraya bilmədiyi üçün bu xəstələrdə vitamin D-nin digər formalarından istifadə edilməlidir. Depodey, benzotiadiazin törəmələri ilə müalicə olunan xəstələrdə və immobilizasiya olunmuş xəstələrdə (hiperkalsiemiya və hiperkalsiuriya riski) xüsusi ehtiyatla istifadə edilməlidir. Bu xəstələrdə plazma və sidikdə kalsium səviyyəsinə nəzarət edilməlidir. Depodey sarkoidozdan əziyyət çəkən xəstələrə ehtiyatla təyin edilməlidir, çünki D vitamininin aktiv formasına metabolizmin artması riski var. Bu xəstələrə plazmada və sidikdə kalsiumun miqdarına görə nəzarət edilməlidir. Psevdohipoparatiroidizmi olan xəstələrdə istifadə edilməməlidir (D vitamininə tələbat; vitamin D-yə normal həssaslıq bəzən uzun müddət həddindən artıq dozanın riski ilə azala bilər). Belə hallarda daha idarə edilə bilən D vitamini törəmələri mövcuddur. Artıq vitamin D3 olan müalicələr, D3 vitamini ilə zənginləşdirilmiş qidalar, Vitamin D3 ilə zənginləşdirilmiş süddən istifadə halları və xəstənin günəşə məruz qalma səviyyəsi ilə bağlı hallarda Vitamin D3-ün ümumi dozası nəzərə alınmalıdır. Vitamin D3 əlavəsi ilə böyrək daşları arasında səbəb əlaqəsinə dair heç bir aşkar sübut yoxdur, lakin risk xüsusilə də eyni vaxtda kalsium əlavəsi kontekstində məqbuldur. Fərdi xəstələr üçün əlavə kalsium qəbuluna ehtiyac nəzərə alınmalıdır. Depodey kalsium preparatları ciddi klinik nəzarət altında verilməlidir. Yüksək dozada D vitamininin (ildə bir dəfə 500 000 BV kapsul) peroral qəbulu ilə ilk 3 ay ərzində yaşlı xəstələrdə sınıq riskinin artdığı bildirilmişdir. D3 vitamininin gündəlik dozası 1000 BV-dən çox olduqda, uzunmüddətli müalicə zamanı plazmada kalsium səviyyəsinə nəzarət edilməlidir. Hamiləlik dövründə D vitamini preparatlarının müntəzəm istifadəsi tövsiyə edilmir. Bununla belə, zəruri hallarda həkim nəzarəti altında istifadə edilməlidir. Hamiləlik dövründə profilaktika üçün D vitamini preparatlarından istifadə edərkən maksimum doza gündə 1000 BV-dən çox olmamalıdır. Depodey-ın tərkibində sorbitol

İstehsalçı

Deva Holding A. Ş., Turkey. Çerkezköy Organize Sanayi Bölgesi, Karaağaç Mah. Atatürk Cad. No: 32, 59501 Kapaklı, Turkey.

Əməkdaşlıq təklifiniz və ya iradınız var ?

Qısa formu dolduraraq Remedi Group şirkəti ilə əməkdaşlıq mövzusu və ya iradınızla bağlı bütün suallarınızı asanlıqla göndərə bilərsiniz. Nümayəndəmiz ən qısa zamanda sizinlə əlaqə saxlayacaq.

Təklif göndər
scheme1