Tərkibi

Təsiredici maddə: l kapsulda 20.000 BV (500 mkq D 3 vitamininə ekvivalent) xolekalsiferol vardır. Köməkçi maddələr: rafinəolunmuş günəbaxan yağı, jelatin (balıq dərisindən alınan), qliserin, sorbitol, təmizlənmiş su, sarı FD&C No:6.

İstifadə qaydası və dozalanması

Hər bir kapsulda 20.000 BV (500 mkq) Vitamin D 3 vardır. Körpələrdə və 12 yaşdan kiçik uşaqlarda istifadə edilməməlidir. Pediatrik istifadə 11-18 yaşlı pasiyentlərdə D vitamini çatışmazlığının profilaktikası və dəstəkləyici müalicəsi Həkim tərəfindən tövsiyə olunduğu kimi 400-800 BV gündəlik dozaya ekvivalent bir Depoday 20.000 BV kapsulu ayda bir dəfə istifadə edilməlidir. 11-18 yaşlı pasiyentlərdə D vitamini defisitinin müalicəsi Həkim tərəfindən tövsiyə edildiyi kimi gündəlik 3000-5000 BV dozaya ekvivalent bir kapsul Depoday 20.000 BV həftədə bir və ya iki dəfə istifadə edilməlidir. Yetkinlərdə dozalanma Vitamin D çatışmazlığının profilaktikası və dəstəkləyici müalicəsi Həkim tərəfindən tövsiyə edildiyi kimi gündəlik 600-1500 BV dozaya ekvivalent bir kapsul Depoday 20.000 BV ayda bir və ya iki dəfə istifadə edilməlidir. D vitamini çatışmazlığının müalicəsi Həkim tərəfindən tövsiyə edildiyi kimi gündəlik 7000-10.000 BV dozaya ekvivalent bir kapsul Depoday 20.000 BV iki gündən bir istifadə edilməlidir. Hədəf səviyyəyə çatdığını təsdiqləmək üçün dəstəkləyici müalicəyə başlandıqdan təxminən üç-dörd ay sonra 25(OH)D miqdarı təyin edilməlidir. Preparat həkimin tövsiyələrinə uyğun olaraq istifadə edilməlidir.

Əks göstərişlər və əlavə təsirlər

Depoday dərman vasitəsinin tərkibindəki köməkçi maddələrə və ya xolekalsiferola qarşı yüksək həssaslıq; Hiperkalsiemiya və/və ya hiperkalsiuriya; Nefrolitiazlı və ya kalsium tərkibli böyrək daşlarının əmələ gəlməsinə meylli xəstələr; Ağır böyrək çatışmazlığı; D vitamininin hipervitaminozu; Depoday dərman vasitəsi 12 yaşdan kiçik uşaqlarda kapsulları uda bilmədiklərinə görə və/və ya boğulma riski səbəbindən istifadə edilməməlidir. Əlavə təsirlər sistem orqan sinfinə və rastgəlinmə tezliyinə görə verilmişdir. Tezliklər aşağıdakı kimi müəyyən edilir: Çox tez-tez (≥1/10), tez-tez (≥1/100 - <1/10), bəzən (≥1/1000 - <1/100), nadir hallarda (≥1/10000 - <1/1000), çox nadir hallarda (<1/10000), məlum deyil (mövcud məlumatlar əsasında qiymətləndirmək mümkün deyil). Maddələr mübadiləsində baş verən və alimentar pozğunluqlar Nadir hallarda: hiperkalsiemiya və hiperkalsiuriya. Dəridə və dərialtı toumada baş verən pozğunluqlar Nadir hallarda: qaşınma, səpgi və övrə.

Buraxılış forması

7 kapsul şəffaf olmayan PVC/Aclar və alüminium folqa blisterdə. 2 blister içlik vərəqə ilə birlikdə karton qutuya qablaşdırılır.

Saxlanma şəraiti

25℃-dən yuxarı olmayan otaq temperaturunda və orijinal qablaşdırmasında saxlamaq lazımdır. Utilizasiyası və digər istifadə qaydaları Hər hansı istifadə olunmamış dərman vasitəsi yerli utilizasiya qaydalarına uyğun olaraq atılmalıdır.

Yararlıq müddəti

2 il. Yararlılıq müddəti bitdikdən sonra istifadə etmək olmaz.

Təsviri

Hər iki tərəfi qabarıq, oval, şəffaf, narıncı rəngli yumşaq kapsullardır.

Farmakoterapevtik qrupu

Vitamin D və analoqları, xolekalsiferol.

ATC kodu

A11CC05.

Digər dərman vasitələri ilə qarşılıqlı təsiri

Antikonvulsantların (məsələn, fenitoin) və ya barbituratların (və bəlkə də qaraciyər fermentlərini induksiya edən digər preparatların) yanaşı istifadəsi metabolik inaktivasiya yolu ilə Vitamin D 3 -ün təsirini azalda bilər. Kalsiumun sidiklə eliminasiyasını azaldan tiazid diuretikləri ilə müalicə zamanı zərdabda kalsium konsentrasiyasının monitorinqi tövsiyə olunur. Qlükokortikoidlərlə yanaşı istifadəsi D 3 vitamininin təsirini azalda bilər. Ürək qlikozidləri ilə müalicə alan xəstələr artan kalsium səviyyələrinə həssas ola bilər Bu xəstələrdə elektrokardioqrafik (EKQ) parametrlər və kalsium səviyyələri izlənilməlidir. Əgər sidikdə kalsium midarı 7,5 mmol/24 saatdan (300 mq/24 saat) artıq olarsa, dozanın azaldılması tövsiyə edilir. Xolestiramin, kolestipol hidroxlorid kimi ion dəyişdirici qatranlarla, orlistat və ya parafin yağı kimi işlədicilərlə yanaşı müalicə D vitamininin mədə-bağırsaqdan udulmasını azalda bilər. Rifampisin qaraciyər fermentlərini induksiya etdiyi üçün xolekalsiferolun effektivliyini azalda bilər. İzoniazid xolekalsiferolun metabolik aktivləşməsini inhibə etdiyi üçün xolekalsiferolun effektivliyini azalda bilər. D vitamini hipervitaminozu səbəbiylə inkişaf edən hiperkalsemiyanı azaltmaq üçün fosfat infuziyası istifadə edilməməlidir (metastatik kalsifikasiya təhlükəsinə görə). Sitotoksik vasitə aktinomisin və imidazol kimi antifunqal vasitələr D vitamininin aktivliyinə təsir etməklə, böyrəklərdə 25-hidroksivitamin D-1-hidroksilaza fermenti tərəfindən 25-hidroksivitamin D- in 1,25-dihidroksivitamin D-yə çevrilməsini inhibə edir. Xüsusi populyasiyalar Məlumat yoxdur. Pediatrik populyasiya Məlumat yoxdur. Uyuşmazlığı Məlum deyil.

Hamiləlik və laktasiya dövründə istifadəsi

Hamiləlik və laktasiya dövründə yüksək dozalırının istifadəsi tövsiyə edilmir, buna görə də daha aşağı dozaları istifadə edilməlidir. Ümumi tövsiyə Hamiləlik kateqoriyası C. Uşaq doğurma potensialı olan qadınlar/Kontrasepsiya Kontrasepsiya haqqında məlumatlar mövcud deyil. Hamiləlik Hamilə qadınlarda Depoday dərman vasitəsinin istifadəsi ilə bağlı adekvat məlumat yoxdur. Heyvanlar üzərində aparılan tədqiqatlarda reproduktiv toksiklik müşahidə edilmişdir (“Klinikaya qədər təhlükəsizlik məlumatları” bölməsinə bax). İnsanlar üçün potensial riski məlum deyil. Hamiləlik dövründə profilaktika məqsədilə vitamin D preparatlarından istifadə edərkən maksimum doza gündəlik 1000 BV-dən çox olmamalıdır. Hamilə qadınlarda tövsiyə olunan gündəlik doza 400 BV-dir, lakin vitamin D çatışmazlığı olan qadınlarda daha yüksək doza tələb oluna bilər. Hamiləlik dövründə qadınlar öz həkimlərinin tövsiyələrinə əməl etməlidir, çünki tələb olunan doza xəstəliyin şiddətindən və müalicəyə reaksiyasından asılı olaraq dəyişə bilər, Vitamin D 3 və onun metabolitləri ana südü ilə xaric olur. Hamiləlik dövründə tərkibində D vitamini olan dərman vasitələrinin müntəzəm istifadəsi tövsiyə edilməsə də, zəruri hallarda həkim nəzarəti altında istifadə edilməlidir. Bu kimi preparatlar çox zərurət olmadıqca hamiləlik dövründə istifadə edilməməlidir. İnsanlar və heyvanlardan əldə edilmiş təcrübələrdə, hamiləlikdə D vitamininin doza həddinin aşılması hiperkalsiemiyaya səbəb olaraq, fiziki və mental pozğunluqlara, anadangəlmə ürək və göz problemlərinə səbəb olmuşdur. Laktasiya Zərurət olarsa, laktasiya dövründə olan qadına D vitamini təyin edilə bilər. Bu əlavə, yenidoğulmuşda D vitamininin qəbulunu əvəz etmir. Süd verən analar tərəfindən induksiya edilən körpələrdə doza həddinin aşılması müşahidə edilməmişdir. Bununla belə, ana südü ilə qidalanan uşağa əlavə olaraq, D vitamini təyin edərkən anaya verilən hər hansı əlavə D vitamininin dozası nəzərə almalıdır. Fertillik Fertilliyə təsiri ilə bağlı məlumatlar mövcud deyil.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Bilinən təsiri yoxdur. Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsir ehtimalı azdır.

Doza həddinin aşılması

Depoday dərman vasitəsinin doza həddinin kəskin və ya xroniki aşılması halında sidikdə və zərdabda kalsiumun konsentrasiyası artır və bu, hiperkalsiemiya ilə nəticələnir. Hiperkalsiemiya simptomları çox spesifik deyildir və ilkin mərhələlərdə tez-tez ürəkbulanma, qusma, ishal, sonra isə qəbizlik, anoreksiya, yorğunluq, başağrı, əzələ və oynaq ağrıları, əzələ zəifliyi, polidipsiya, böyrək daşları ilə poliuriya, nefrokalsinoz, böyrək çatışmazlığı, yumşaq toxumaların kalsifikasiyası, EKQ-də dəyişikliklər, aritmiya və pankreatit müşahidə edilmişdir. Nadir və izolə hallarda hiperkalsiemiyanın ölümcül olduğu bildirilmişdir. Müalicəsi Vitamin D intoksikasiyası səbəbindən hiperkalsiemiya bir neçə həftə ərzində normallaşır. Hiperkalsiemiyanın müalicəsi məqsədilə qida əlavələrindən, qidalardan, vitamin D qəbulundan və günəş şüalarının təsirindən çəkinmək tövsiyə olunur. Az kalsiumlu və ya kalsiumsuz pəhriz istifadə edilə bilər. Adekvat diurezi təmin etmək üçün rehidrasiya və diuretiklərlə müalicə, məsələn, furosemid istifadə edilə bilər. Əlavə müalicə üçün kalsitonin və ya kortikosteroidlər istifadə edilə bilər. D vitamininin hipervitaminozu səbəbiylə inkişaf edən hiperkalsiemiyanı azaltmaq üçün metastatik kalsifikasiya təhlükəsinə görə fosfat infuziyası istifadə edilməməlidir.

İstehsalçı

Deva Holding A. Ş., Turkey. Çerkezköy Organize Sanayi Bölgesi, Karaağaç Mah. Atatürk Cad. No: 32, 59501 Kapaklı, Turkey.