Tərkibi

Təsiredici maddə: 1 kapsulda 10.000 BV (250 mkq D 3 vitamininə ekvivalent) xolekalsiferol vardır.

İstifadə qaydası və dozalanması

Pozologiya/tezliyi və müalicə müddəti Hər yumşaq kapsulda 10.000 BV xolekalsiferol (vitamin D 3 ) vardır. Dərmanın istifadə qaydası həkim tərəfindən təyin edilməlidir. Həkimin tövsiyəsi ilə istifadə edilməlidir. İstifadə qaydası Depodey daxilə qəbul edilməlidir. Kapsullar bütöv halda, bir miqdar su ilə, yemək zamanı qəbul edilməlidir. Xəstələrə bu dərmanı əsas yeməklə birlikdə qəbul etmələri tövsiyə edilməlidir. Xüsusi xəstə qruplarına daiəlavə məlumat Böyrək çatışmazlığı Depodey ağır böyrək çatışmazlığı olan xəstələrdə istifadə edilməməlidir. Qaraciyər çatışmazlığı Məlumat yoxdur. Pediatriyada Depodey 12 yaşdan kiçik uşaqlarda kapsulları uda bilməmə və/və ya boğulma riskinə görə istifadə edilməməlidir. Yaşlılarda Böyüklərdə olduğu kimi qəbul edilməlir.

Əks göstərişlər və əlavə təsirlər

Xolekalsiferola və ya köməkçi maddələrdən hər hansı birinə qarşı yüksək həssaslığı olan xəstələrdə; - Hiperkalsiemiya və/və ya hiperkalsiuriyası olan xəstələrdə; - Nefrolitiaz (böyrək daşları), nefrokalsinoz (böyrəklərdə yüksək miqdarda kalsium) və ya tərkibində kalsium olan böyrək daşları (böyrək daşları) əmələ gəlmə meylliliyi olan xəstələrdə; - Ağır böyrək çatışmazlığı olan xəstələrdə - D hipervitaminozu zamanı əks göstərişdir. - Depodey kapsul udmaq mümkün olmadığı və/və ya boğulma riski səbəbindən 12 yaşdan kiçik uşaqlarda istifadə edilməməlidir.

Buraxılış forması

10 kapsul opaq PVC/Aclar və Al folqalı blisterdə. 3 blister içlik vərəqə ilə birlikdə karton qutuya qablaşdırılır.

Saxlanma şəraiti

25ºС temperaturdan yüksək olmayan, işıqdan qorunan və uşaqların əli çatmayan yerdə saxlamaq lazımdır.

Yararlıq müddəti

2 il. Yararlılıq müddəti bitdikdən sonra istifadə etmək olmaz.

Təsviri

İki tərəfdən qabarıq, oval formalı, şəffaf, açıq sarı rəngli yumşaq kapsullardır.

Farmakoterapevtik qrupu

Vitamin D və analoqları. Xolekalsiferol.

ATC kodu

A11CC05.

Digər dərman vasitələri ilə qarşılıqlı təsiri

Antikonvulsantların (məsələn, fenitoin) və ya barbituratların (və qaraciyər fermentlərini induksiya edən digər dərmanların) eyni vaxtda istifadəsi metabolik inaktivasiya yolu ilə Vitamin D 3 -ün təsirini azalda bilər. Kalsiumun sidiklə xaric olmasını zəiflədən tiazid diuretikləri ilə müalicə zamanı plazmada kalsium konsentrasiyasının monitorinqi tövsiyə olunur. Qlükokortikosteroidlərin eyni vaxtda istifadəsi D 3 vitamininin təsirini azalda bilər. Tərkibində üskükotu və digər ürək qlikozidləri olan preparatlarla müalicə zamanı vitamin D 3 qəbulu qlikozid toksiklik (aritmiya) riskini artıra bilər. Plazmada kalsiumun konsentrasiyasına zəruri hallarda EKQ monitorinqlə birlikdə ciddi klinik nəzarət lazımdır. Xolestiramin, xolestipol hidroxlorid, orlistat kimi işlədicilərlə, məsələn, ion dəyişdirici qatran və ya parafin yağı ilə eyni vaxtda müalicə D vitamininin mədə-bağırsaqdan sorulmasını azalda bilər. Sitotoksik təsirə malik aktinomisin və antifunqal təsirə malik imidazol törəmələri böyrək fermentinə, 25-hidroksivitamin D-1-hidroksilaza tərəfindən 25-hidroksivitamin D-nin 1,25- dihidroksivitamin D-yə çevrilməsini inhibə etməklə vitamin D aktivliyinə maneə törədir.

Hamiləlik və laktasiya dövründə istifadəsi

Hamiləlik və laktasiya dövründə yüksək dozada istifadəsi tövsiyə edilmir, buna görə də preparatların daha aşağı dozaları istifadə edilməlidir. Ümumi tövsiyə Hamiləlik kateqoriyası: C. Uşaq doğma potensialı olan qadınlar/Kontrasepsiya Kontrasepsiya haqqında məlumatlar mövcud deyil. Hamiləlik Hamilə qadınlarda xolekalsiferolun istifadəsi ilə bağlı heç bir məlumat yoxdur və ya məhduddur. Heyvanlar üzərində aparılan tədqiqatlar reproduktiv toksiklik göstərmişdir. Hamilə qadınlar üçün tövsiyə olunan gündəlik doza 400 BV-dir, lakin D vitamini çatışmazlığı olan qadınlarda daha yüksək doza tələb oluna bilər. Hamiləlik dövründə qadınlar öz həkimlərinin tövsiyələrinə əməl etməlidirlər, çünki onların tələbləri xəstəliyin şiddətindən və müalicəyə reaksiyasından asılı olaraq dəyişə bilər, vitamin D 3 və onun metabolitləri ana südü ilə xaric olur. Hamiləlik dövründə D vitamini preparatlarının müntəzəm istifadəsi tövsiyə edilməsə də, zəruri hallarda həkim nəzarəti altında istifadə edilməlidir. Hamiləlik dövründə profilaktika üçün D vitamini preparatlarından istifadə edərkən maksimum doza gündə 1000 BV-dən çox olmamalıdır. Depodey hamiləlik dövründə çox zəruri olmadıqda istifadə edilməməlidir. İnsan və heyvan təcrübələrinə əsaslanaraq, hamiləlikdə D vitamininin həddindən artıq dozası hiperkalsiemiya səbəbiylə fiziki və əqli qüsurlara, anadangəlmə ürək və göz problemlərinə səbəb olur. Laktasiya Xolekalsiferol və onun metabolitləri ana südü ilə xaric olur. Laktasiya dövründə yüksək güclü dozalar tövsiyə edilmir. Lazım gələrsə, xəstəyə laktasiya dövründə D vitamini təyin edilə bilər. Bu yenidoğulmuşda vitamin D qəbulunu əvəz etmir. Süd verən analar tərəfindən induksiya edilən körpələrdə doza həddinin aşılması halları müşahidə edilməmişdir; Bununla belə, ana südü ilə qidalanan uşağa D vitamini təyin edərkən, həkim anaya verilən hər hansı D vitamini preparatının dozasını nəzərə almalıdır. Bundan əlavə, D vitamininin farmakoloji dozalarını qəbul edən süd verən anaların körpələrində hiperkalsiemiya riski var. Fertillik Vitamin D 3 ilə müalicə və onun fertilliyə təsiri ilə bağlı məlumat yoxdur.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Depodey-in nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri barədə məlumat yoxdur, çünki bu qabiliyyətə təsir etməsi mümkün deyil.

Doza həddinin aşılması

Kalsiemiya 10,6 mq/dl (2,65 mmol/l) və ya böyüklərdə kalsiuriya 300 mq/24 saat və ya uşaqlarda 4-6 mq/kq/gündən çox olduqda Depodey istifadəsi dayandırılmalıdır. Doza həddinin aşılması hiperkalsiemiya və hiperkalsiuriya kimi təzahür edir, onun əlamətlərinə aşağıdakılar daxildir: ürəkbulanma, qusma, susuzluq, qəbizlik, poliuriya, polidipsiya və susuzlaşdırma. Xroniki həddindən artıq doza hiperkalsiemiya nəticəsində damarların və orqanların kalsifikasiyasına səbəb ola bilər. Müalicəsi Depodey qəbulu dayandırılmalı və rehidrasiyaya başlanmalıdır.

İstehsalçı

Deva Holding A. Ş., Turkey. Çerkezköy Organize Sanayi Bölgesi, Karaağaç Mah. Atatürk Cad. No: 32, 59501 Kapaklı, Turkey.